როგორც მოგეხსენებათ, ს.ს ,,საქართველოს რკინიგზა“-ს ფილიალი ,,სატვირთო გადაზიდვები“, ფილიალ ,,ვორლდ ბიზნესს სოლუშენს“-თან ერთად ახორციელებს ,,სატვირთო გადაზიდვების დოკუმენტების” ელექტრონულ ფორმატში წარმოებისა და ხელმოწერის სისტემის“ რეალიზებას შემდეგი სატვირთო დოკუმენტებისთვის: - ელექტრონული ზედნადები - ადგილობრივი და საერთაშორისო გადაზიდვებისთვის (მათ შორის საპორტო სადგურებიდან და სადგურებში); - სამახსოვროები, საერთო ფორმის აქტები, დარიცხვის ბარათები (ყველა ტიპის გადაზიდვებისთვის -საერთაშორისო და ადგილობრივი);
      
      იმისათვის, რომ თავიდან ავიცილოთ სამუშაო პროცესში შეფერხებები, აუცილებელია სასწრაფოდ, სატვირთო გადაზიდვების ერთიან ელექტრონულ სისტემაში მომხმარებლად დარეგისტრირდნენ კლიენტები რომლებსაც ამჟამად არ გააჩნიათ იუზერები (სახელი და პაროლი) რათა მათ დაარეგისტრირონ ის თანამშრომლები, რომლებიც მოახდენენ ზემოთაღნიშნულ დოკუმენტებზე ელექტრონულ ხელმოწერას, საიტზე cargo.railway.ge/ მითითებული ინსტრუქციის და ვიდეოგაკვეთილის შესაბამისად.
      კლიენტის თანამშრომლებს, რომლებსაც ექნებათ სისტემაში შესვლის და ელექტრონული ხელმოწერის უფლება, აუცილებლად უნდა ქონდეთ ID ბარათები (პირადობის მოწმობები), მოქმედი PIN კოდით, ასევე ბარათების წამკითხველი, რომელთა აღება შესაძლებელია იუსტიციის სახლში, იქვე მოემსახურებიან და დაეხმარებიან წამკითხველის დაყენებაშიც.
      რაც შეეხება ფირმებისა და კომპანიების მინდობილობის მქონე კლიენტებს (მათ შორის რეზიდენტი და არარეზიდენტი კლიენტები რომლებიც სხვა კომპანიებზე გასცემენ მინდობილობებს), რომელთაც აქვთ სატვირთო საბუთების გაფორმებისა და მათზე ხელმოწერის უფლება, (მათ შორის ელექტრონული ხელმოწერის) აუცილებელია აღნიშნული მინდობილობა, წარადგინოთ სადგურში და იქ გაფორმდეს მინდობილობა ელექტრონულად, სადგურის შესაბამისი უფლებამოსილი პირის მიერ. თუ მინდობილობა უცხო ენაზეა შესრულებული მაშინ საჭიროა მინდობილობა იყოს ქართულად ნათარგმნი და ნოტარიულად დამოწმებული.
     სადგურებს: აღნიშნულიდან გამომდინარე გთხოვთ გააფრთხილოთ თქვენი კლიენტები: ტვირთგამგზავნები, ტვირთმიმღებები, რკინიგზის ორგანიზაციები (გადაზიდვაში მონაწილე სუბიექტები), რომლებიც არ არიან დარეგისტრირებული cargo.railway.ge-ს მომხმარებლად, რათა სასწრაფოდ დარეგისტრირდნენ აღნიშნული საიტის მომხმარებლად და დაარეგისტრირონ მომხმარებლად თავიანთი თანამშრომლები.
     ვადიანი მინდობილობები (გაცემული ერთი კომპანიიდან მეორეზე და მეორე კომპანიის მინდობილობა გაცემული კონკრეტულ თანამშრომელზე) დაარეგოსტრირეთ სისტემაში და ატვირთეთ ელექტრონულად.

კლიენტებს: აღნიშნულიდან გამომდინარე გთხოვთ დარეგისტრირდეთ საიტზე cargo.railway.ge მომხმარებლად (თუ არ ხართ დარეგისტრირებული) და აქტუალიზაცია მოახდინეთ თქვენს მიერ მითითებული თანამშრომლების უფლებების, ასევე საჭიროების შემთხვევაში აღადგინეთ თქვენი იუზერები (სახელი, პაროლი), დაარეგისტრირეთ თქვენი თანამშრომლები ხელმომწერლებად. აცნობეთ თქვენს კლიენტებს ტვირთგამგზავნებს, ტვირთმიმღებებს, (გადაზიდვაში მონაწილე სუბიექტები) რომლებიც არ არიან დარეგისტრირებული cargo.railway.ge-ს მომხმარებლად, რათა სასწრაფოდ დარეგისტრირდნენ აღნიშნული საიტის მომხმარებლად და დაარეგისტრირონ მომხმარებლად თავიანთი თანამშრომლები ან საჭიროების შემთხვევაში გააკეთონ მინდობილობა ზემოაღნიშნულის შესაბამისად.
      დამატებითი კითხვებისთვის მიმართეთ კლიენტთა მომსახურების ცენტრს.

შენიშვნა:
      1. მინდობილობა უნდა შეიცავდეს ძირითად პარამეტრებს:
      - მინდობილობის გამცემი ორგანიზაცია (ანგარიშმსწორებლის კოდი)
      - მინდობილი ორგანიზაცია ( საიდენტიფიკაციო და ანგარიშმსწორებლის კოდი)
      - სადგურის დასახელება
      - მოქმედების ვადა
      - მინდობილი უფლებამოსილება
      2. მინდობილმა კომპანიამ სადგურში აუცილებელია წარადგინოს მინდობილობა მის მიერ კონკრეტულ საქმიანობასთან დაკავშირებით გამოყოფილი თანამშრომლის მონაცემებით:
      - მინდობილი პირის სახელი გვარი და პირადი ნომერი
      - მინდობილი უფლებამოსილება